من طرف La fille de Badr الأربعاء سبتمبر 12, 2012 10:22 pm(ايوة بغير)
أيوة بغير
لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير
واللي قالولك غيرة الراجل قِلّة ثقة او قلة فَهم
خَلْق حمير
غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
ينعل ابو ده اليوم الاكحل
اللي لا ليه اخر ولا اول
اللي طلعت لقيتني صعيدي
لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟
ثم العبرة ماهيش في اللبس
اصل المشكلة عندك .. عندك ..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة
ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
اني بحبك
واني بريدك
واني زرعت حياتي في ايدك
واني غزلت بنات الدنيا عقود على جيدك
واني تعبت من التفكير
واني بغير
-------------------------------------------------------
(مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار
مش كفاية
لو عايزِنى مرة أخضع .. غيرونى
شوفوا يمكن لو ده ينفع .. بدلونى
ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية
موتونى ألف مرة ومش كفاية
غصب عنكم بلادى حرة وللنهاية
كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية
» اعرف مباشرةً المحذوف من مناهج الشهادات .. الابتدائية و الاعدادية و الثانوية .. 2014 .. المصدر : موقع الوزارة
» المحذوفات للصف الاول الاعدادي لعام 2014
» المكتبة الثانيه للألعاب الخفيفه 10 ألعاب بأحجام متوسطه تحميل مباشر على أكثر من سيرفر
» مكتبة الالعاب الخفيفه 10 ألعاب بأحجام متوسطه تحميل مباشر على أكثر من سيرفر
» اللعبه الشهيره Super Mario 3 Mario Forever لاجهزه الكمبيوتر بحجم 18 ميجا فقط : تحميل مباشر
» طلب العضو saeed el saeidy
» تحميل مباشر لـ محذوفات مناهج التربية و التعليم من الأول الابتدائى حتى الثالث الثانوى 2014 .. مباشرة على منتديات المسيو .. تحمل ملفات موقع الوزارة
» أغنية .. الوقت بيسرقنا .. دنيا سمير غاانم .. بالكلمات .. أكثر من راااااااااائعة
» شاهد أغنية "عليك حبيبى كلام " .. دنيا سمير غانم .. رووعة
» شاهد حلقات برنامج "أهل الجنة" مع مصطفى حسنى .. مشاهدة مباشرة على منتديات المسيو .. تم اضافة جميع الحلقات
» حصرياً .. رمضان Ramadan .. جديد ماهر زين 2013 .. أغنية رمضان باللغتين العربية و الانجليزية .. فيديو و كلمات
» قد عدت يا شهر الهدى .. يا رحمة تسع المدى .. شعر و انشودة جميلة لشهر رمضان
» شعر أكثر من رائع عن استقبال و فضل شهر رمضان
» شاهد حلقات برنامج "خطوات الشيطان" مع معز مسعود .. مشاهدة مباشرة على منتديات المسيو .. تم إضافة جميع الحلقات