حوار ... الانترنت ... مميزات و عيوب ... مستنى رأيك

ازيكم يا شباب
طبعا موضوع الحوار واضح من عنوانه

الانـــــــــتـــــــــرنـــــت
مميزات و عيوب

طبعا كلنا عارفين ان الانترنت سلاح ذو حدين
يعنى ممكن يبقا وسيلة للخير .... و ممكن يبقا وسيلة للشر
ممكن يقربك من ربنا بأحسن الحسنات .. و ممكن يبعدك عن ربنا بأقبح السيئات

يعنى لو اتكلمنا عن مميزات الانترنت

أكيد الواحد ما بقاش يغلب فى الحصول على أى معلومة يحتاجها فى أى مجال من مجالات الدراسة و الابحاث و الانشطة
كمان الانترنت يعتبر من أهم وسائل التواصل بينا لأنك بسهولة من برامج و مواقع الشات ممكن تتكلم مع أصحابك و قرايبك أو ممكن تعمل أصحاب جداد
و ممكن تعرف أخبار العالم كله و انت قاعد ومستريح
و طبعا ماننساش ان منتديات المسيو من مميزات الانترنت اكييييييد

أما عيوب الانترنت
طبعا ماحدش ينكر ان اخطر حاجة فى الانترنت تضييع الوقت
يعنى الواحد ممكن يقعد بالساعات عمال يقلب فى مواقع و مواقع تسلمك لمواقع من غير اى استفادة
مشكلة تانية ان فيه مواقع وظيفتها ان الناس تاخد ذنوب و دى بقا ربنا يكفينا شرها
و طبعا ماننساش الهكر ربنا يكفينا الشر
و طبعا ما ننساش الناس الباردين اللى بيدخلو يغتتو على الناس فى الشات

و اقول اييييييييييييه و لا ايييه

كفاية كلام
مستنى كلامكم انتو

محمد اسامه كتب:من مميزات الانترنت
منتديات المسيو تقعد عليها طول اليوم
منعيوب الانترنت
انك تدخل على منتديات المسيو ومتشتركش
اخص عليك

طبعا
برافو عليك
تسلم يا محمد على ذوقك العالى

أما بقى موضوع الحوار
احب اقول ان كل اختراع ينفع يستخدم فى الخير و ينفع يستخدم فى الشر

و لكن الانسان هو اللى يوجهه لاهدافه
يعنى انت يا عمرو ذكرت بعض المميزات و العيووب فبقى فيه ناس مستفيدة من المميزات استفادة واقعية و خادمين نفسهم و أهلهم و الانترنت بالنسبالهم وسيلة لبناء مستقبلهم
و فى ناس غرقانة فى العيوب و لا مستفيدين حاجة و لا بيفيدو حد دا بالعكس يحبوا يئذو الناس

و تسلم الايادى يا عمور
و انا مستنى ارآء اعضائنا و تعليقاتهم