الناس ليه كده؟ حد يقولي بسرعه

العنوان ده فيه سؤال عادي بس هاحكيلكم حكاية وتقولولي لي كده؟
كان في 2 أصحاب ليهم فترة كبيرة يعرفوا بعض يتصلوا ويحكوا مع بعض بالساعات؛بيخرجوا
للحصص والمدرسة مع بعض؛بيحبوا لبعض الخير لدرجة مفيش حد يتخيلها ... الأول كان دايما يجيب أعلى من التاني في كل سنة فالأمتحانات ويقعد يواسي التاني ويقوله إن شاء الله هتتعوض وعمره ما أخفى عليه درجاته سواء حلوة أو وحشة .... والسنادي التاني بدأ يذاكر ويشد حيله والأول لأ... فالأول كان بيخرج من معظم الأمتحانات غلطان بس مش كتير والتاني قليل ما كان بيغلط "الله أكبر" يعني نتيجة الأمتحانات متوقعة لصالح التاني .. ولما يجي اليوم اللي فيه النتيجه الأول يعرف من ناس غريب ان صاحبه جاب أعلى منه وصاحبه لغاية دلوقتي ما قالش على درجته
--**--**--**--**--**--**--**--**--
دلوقتي نعتبر التاني خايف من الأول
-علشان ما يحسدهوش
-علشان ما يزعلهوش....رغم أن الأول بيحب الخير للتاني بجميع أشكاله
-ولا علشان أيه
-*-*-*-*-*-*-*-*-*-*-*-*-*-*-*-*-
بس لو كان التاني خايف عالأول من الزعل فكده يبقوا مش أصحاب ولا يعرفوا ذرة عن الصداقة ......حد يقولي بقى في كده؟

بصى هو أفضل حاجة ان الاول يلتمس العذر للتانى .. يمكن اتشغل بحاجة و ما فضيش يقول لصاحبه
و عشان كدا الأول المفروض يسأل على التانى .. و يتطمن عليه ويقولو : "عملت
ايه ؟؟ " و يشوفو هل هيخبى عليه و لا لأ .. و لو خبى .. يسأله : "ليه مش
عاوز تقولى؟ هو احنا مش صحاب ؟!! و لا ايه ؟" و يشوف رده
انما ان يبقا اتنين بيروحو و يجو مع بعض .. و بيحبو بعض .. فما اعتقدش انهم هيطلعو فاهمين بعض غلط طول الفترة دى

و بعدين فى كلمة قولتيها فى الحوار .. " التاني قليل ما كان بيغلط "الله
أكبر" يعني نتيجة الأمتحانات متوقعة لصالح التاني " .. يبقا معنى كدا ان
التانى ما كانش بيخبى أثناء الامتحانات .. يعنى بيطلع يطمن الأول و يقولو
انه غلط قليل


احلى حاجة بين الأصدقاء العتاب ..
إذا ذهب العتاب فليس ود .. و يبقا الود ما بقى العتاب

انما ما أحبش ان الصديق يكتم زعله من صديقه و دا هيأثر على تعاملهم بعد
كدا ... و الطبيعى ان ممكن تحصل مواقف تزعلنا من بعض .. لأن احنا مش
ملايكة و ممكن نغلط .. فالصاحب اللى بجد بينبه صاحبه لغلطه ..

يا رب أكون وفيت فى الرد